এতিয়ালৈকে আপুনি নিশ্চয় শুনিছে গৰম পানী খোৱাৰ বহুতো উপকাৰিতাৰ কথা। যেতিয়া মানুহে ওজন কমাবলৈ চেষ্টা কৰে তেতিয়া প্ৰথমে মনলৈ আহে গৰম পানী খোৱা। ডিঙিৰ বিষৰ পৰা ৰক্ষা পাবলৈ গৰম পানী সেৱন কৰে একাংশ লোকে। গৰম পানী খোৱাৰ নিজস্ব কাৰণ থাকে প্ৰত্যেকৰে। গৰম পানী খোৱাৰ স্বাস্থ্যৰ বহু উপকাৰ পোৱা যায়। কিন্তু যেতিয়া যিকোনো বস্তু অতিৰিক্তভাৱে সেৱন কৰা হয়, তেতিয়া স্বাস্থ্যৰ অৱনতি ঘটাৰ আশংকা বৃদ্ধি পায়। গৰম পানীৰ ক্ষেত্ৰতো একেই কথা। যেতিয়া আপুনি অত্যধিক গৰম পানী খাবলৈ আৰম্ভ কৰে তেতিয়া ইয়াৰ শৰীৰত বহুতো বেয়া প্ৰভাৱ পৰে।
বেছিকৈ গৰম পানী খোৱাৰ অসুবিধা
১) টোপনিৰ সমস্যাঃ ৰাতি শুৱাৰ অৱস্থাত যদি আপুনি গৰম পানী খায়, তেন্তে আজিৰ পৰাই গৰম পানী খোৱা বন্ধ কৰক। কাৰণ শুৱাৰ সময়ত গৰম পানী খালে শান্তিৰে শুবলৈ যথেষ্ট অসুবিধা হয়। বাৰে বাৰে শৌচাগাৰলৈ যাবলগীয়া হ’ব পাৰে।
২) বৃক্কৰ ওপৰত বেয়া প্ৰভাৱঃ গৰম পানী বেছিকৈ সেৱন কৰিলেও বৃক্কৰ স্বাস্থ্যৰ ওপৰত প্ৰভাৱ পৰিব পাৰে। গৱেষণাৰ পৰা দেখা গৈছে যে অত্যধিক গৰম পানী খালে বৃক্কৰ কাৰ্য্যত বাধাৰ সৃষ্টি হয় আৰু বৃক্কৰ ওপৰত অধিক চাপ পৰে।
৩) শৰীৰৰ অংগসমূহৰ ক্ষতিঃ গৰম পানী বেছিকৈ সেৱন কৰিলেও শৰীৰৰ আভ্যন্তৰীণ অংগসমূহৰ ওপৰত বেয়া প্ৰভাৱ পৰিব পাৰে। সেইবোৰ জ্বলোৱাৰ সম্ভাৱনা বাঢ়ি যায়। শৰীৰৰ আভ্যন্তৰীণ অংগসমূহৰ কলাবোৰ অতি সংবেদনশীল। সেইবাবেই ইহঁতৰ ওপৰত ফোহা ওলোৱাৰ আশংকা থাকিব পাৰে।
৪) শিৰাত ফুলা: বেছিকৈ গৰম পানী খালে মগজুৰ শিৰা ফুলি উঠিব পাৰে। কেৱল এয়াই নহয়, গৰম পানী খোৱাৰ ফলতো মূৰৰ বিষ হ’ব পাৰে।
*এই প্ৰতিবেদন কেৱল সাধাৰণ তথ্যৰ বাবেহে দিয়া হৈছে, AssamPrime24 এ এই তথ্যৰ নিশ্চয়তা প্ৰদান নকৰে আৰু দায়িত্ব গ্ৰহণ নকৰে। যিকোনো প্ৰতিকাৰ গ্ৰহণ কৰাৰ আগতে আৰু অধিক নিশ্চিত বিৱৰণৰ বাবে বিশেষজ্ঞ আৰু অভিজ্ঞ ব্যক্তিৰ পৰা পৰামৰ্শ লওঁক।লেখাবোৰ পঢ়ি ভাল পালে যদি শ্বেয়াৰ কৰিবলৈ নাপাহৰিব।