বন্ধ্যাত্বৰ সমস্যাঃ পিতৃ-মাতৃ হোৱাটো পৃথিৱীৰ অন্যতম সুন্দৰ অনুভৱ। কিছুমান দম্পতীয়ে এই সুখ সহজে পায়, আনহাতে কিছুমানে এই সুখ পাবলৈ বহুত অসুবিধাৰ সন্মুখীন হ’বলগীয়া হয়। সমগ্ৰ বিশ্বৰ প্ৰায় ১৫ শতাংশ দম্পতীৰ বন্ধ্যাত্বই আক্ৰান্ত কৰে আৰু চিন্তনীয় কথাটো হ’ল এই সংখ্যা বৃদ্ধি পাইছে। বন্ধ্যাত্বৰ লগত জড়িত সমস্যাৰ বহু কাৰণ থাকিব পাৰে।
পুৰুষ-মহিলা উভয়ৰে প্ৰজনন ক্ষমতাত কিছুমান কাৰকে প্ৰভাৱ পেলায়। বেয়া জীৱনশৈলী আৰু বেয়া অভ্যাসে আপোনাৰ পিতৃ-মাতৃ হোৱাৰ ইচ্ছাক বিপদত পেলাব পাৰে। প্ৰজনন ক্ষমতা বৃদ্ধি কৰিবলৈ কিছুমান অভ্যাস সলনি কৰিব লাগিব। আমি জনাম যে কোনবোৰ অভ্যাস সলনি কৰিলে আপুনি বন্ধ্যাত্বৰ সমস্যাৰ পৰা হাত সাৰিব পাৰিব।
বন্ধ্যাত্বৰ সমস্যা কিয় উদ্ভৱ হয় ?
১) অত্যধিক ধূমপানঃ ধূমপানে পুৰুষ আৰু মহিলা উভয়ৰে প্ৰজনন ক্ষমতাত বেয়াকৈ প্ৰভাৱ পেলাব পাৰে। অত্যধিক ধূমপানৰ বাবে মহিলাৰ ৰজোনিবৃত্তিও আগতীয়াকৈ আৰম্ভ হ’ব পাৰে। আনহাতে পুৰুষৰ শুক্ৰাণুৰ গুণগত মান হ্ৰাস পাব পাৰে।
২) টোপনিৰ অভাৱ: দেৰিলৈকে শুই থকা বা ৰাতিৰ শ্বিফটত কাম কৰা মহিলাসকলৰ বন্ধ্যাত্ব আৰু গৰ্ভপাতৰ সম্ভাৱনা বেছি। প্ৰতিদিনে ৭-৮ ঘণ্টা টোপনি থাকিলে ইষ্ট্ৰজেন, প্ৰজেষ্টেৰন, লেপ্টিন আৰু ফোলিকল ষ্টিমুলেটিং হৰম’ন (FSH)ৰ মাত্ৰা উন্নত কৰিব পাৰি, কিয়নো গৰ্ভধাৰণৰ বাবে এই সকলোবোৰ প্ৰয়োজনীয়।
৩) অত্যধিক কেফেইন সেৱন : অত্যধিক কফি সেৱনে পুৰুষৰ শুক্ৰাণু উৎপাদনৰ ক্ষমতাত বেয়া প্ৰভাৱ পেলাব পাৰে। মহিলাৰ ক্ষেত্ৰতো কেফেইন অত্যধিক সেৱনৰ অতি বেয়া পৰিণতি হয়। কেফেইনে গৰ্ভপাতৰ সম্ভাৱনা বৃদ্ধি কৰিব পাৰে। ইয়াৰ উপৰিও ইতিমধ্যে বন্ধ্যাত্বৰ সৈতে যুঁজি থকা মহিলাসকলৰ বাবে কেফেইন অধিক বিপজ্জনক বুলি প্ৰমাণিত হ’ব পাৰে। গতিকে গৰ্ভধাৰণত অসুবিধাৰ সন্মুখীন হোৱা দম্পতীয়ে দৈনিক ২৫০ মিলিগ্ৰামতকৈ কম কেফেইনৰ পৰিমাণ সীমিত কৰিবলৈ পৰামৰ্শ দিয়া হয়।
অধিক পঢ়কঃ শৰীৰত দেখা এই ৫ টা লক্ষণ হ’ব পাৰে কেঞ্চাৰৰ কাৰণ ! জানি বুজি ভুল নকৰিব !৪) মদ সেৱনঃ গৰ্ভধাৰণৰ চিন্তা কৰা মহিলাসকলে মদ্যপান পৰিহাৰ কৰিব লাগে আৰু যিসকল গৰ্ভৱতী হৈছে তেওঁলোকে বিশেষভাৱে এই বিষয়ে যত্ন লোৱা উচিত। কাৰণ এনে নকৰিলে গৰ্ভধাৰণতে অনেক অসুবিধা হোৱাই নহয়, গৰ্ভৱতী মহিলাৰ গৰ্ভধাৰণো বিপদত পৰিব পাৰে।
৫) ভুল খাদ্যাভ্যাস: কৰ্মৰত লোকে প্ৰায়ে খৰখেদাকৈ ব্ৰেকফাষ্ট এৰি দিয়ে আৰু সময়ৰ আগতেই দুপৰীয়াৰ আহাৰ গ্ৰহণ কৰে। কিছুমান মানুহে ৰাতিৰ আহাৰত স্বাস্থ্যকৰ খাদ্য খোৱাৰ পৰিৱৰ্তে জাংক ফুড খোৱাটো বেছি পছন্দ কৰে। শৰীৰত উপযুক্ত পৰিমাণৰ পুষ্টি নোপোৱাৰ বাবে পুৰুষ-মহিলাৰ উৰ্বৰতাও বিপদত পৰিব পাৰে। স্বাস্থ্য বিশেষজ্ঞসকলে কয় যে যিসকল মহিলাই বেছিকৈ ফাষ্ট ফুড খায় তেওঁলোকৰ গৰ্ভধাৰণত বেছি সময় লাগে।
*এই প্ৰতিবেদন কেৱল সাধাৰণ তথ্যৰ বাবেহে দিয়া হৈছে, AssamPrime24 এ এই তথ্যৰ নিশ্চয়তা প্ৰদান নকৰে আৰু দায়িত্ব গ্ৰহণ নকৰে। অধিক নিশ্চিত বিৱৰণৰ বাবে বিশেষজ্ঞ আৰু অভিজ্ঞ ব্যক্তিৰ পৰা পৰামৰ্শ লওঁক।লেখাবোৰ পঢ়ি ভাল পালে যদি শ্বেয়াৰ কৰিবলৈ নাপাহৰিব।
1 thought on “এই ৫ টা অভ্যাসে ধ্বংস কৰিব পাৰে সন্তান জন্ম দিয়াৰ ক্ষমতা। ত্যাগ কৰক এই অভ্যাস !”